អគ្គិភ័យបានឆា..បឆេះ លំនៅឋាន០១ខ្នងទាំងស្រុង នៅស្រុកគាស់ក្រឡ ខេត្តបាត់ដំបង
———————————————————
(តបាត់ដំបង) អគ្គីភ័យមួយបានឆាបឆេះលំនៅឋានរបស់ពលរដ្ឋ០១ខ្នងទាំងស្រុង បង្កការភ្ញាក់ផ្អើលដល់ប្រជាពលរដ្ឋក៏ដូចជាសមត្ថកិច្ចចេញអន្តរាគមន៍ជួយបាញ់ទឹកពន្លត់នៅវេលាម៉ោង ១៨និង០០នាទី ថ្ងៃទី០១ ខែកុម្ភៈ ឆ្នាំ២០២៣ នៅចំណុចភូមិខ្វែង ឃុំដូនបា ស្រុកគាស់ក្រឡ ខេត្តបាត់ដំបង។
គ្រោះអគ្គីភ័យនេះដែរបណ្តាលអោយឆាបឆេះផ្ទះ០១ខ្នងទាំងស្រុងដែលមានទំហំ ៦ម៉ែត្រx១២ម៉ែត្រ សង់អំពីឈើ ជញ្ជាំងនិងដំបូលស័ង្កសី ព្រមទាំងសំភារៈប្រើប្រាស់ក្នុងផ្ទះប្រចាំថ្ងៃ មានគ្រឿងសង្ហារឹម អីវ៉ាន់ចាប់ហួយ ថវិកា និងរបស់របរផ្សេងៗទៀតមួយចំនួន សរុបជាថវិកា ប្រហែល ៨០,០០០,០០០រៀល ដែលមានម្ចាស់ផ្ទះជាប្តីឈ្មោះ ឡុង លក អាយុ៥៣ឆ្នាំ និងប្រពន្ធឈ្មោះ ម៉ៅ ជីវី អាយុ៥២ឆ្នាំត្រូវភ្លើងឆាបរងរបួសលើផ្ទៃមុខ(ស្រាល)។
សមត្ថកិច្ចបានបញ្ជាក់ថា មូលហេតុដែលផ្តើមអោយឆេះឡើងនេះគឺបណ្តាលមកពីឈ្មោះ ម៉ៅ ជីវី ជាប្រពន្ធ បានមានការធ្វេសប្រហែស ដោយបូមសាំងដាក់ដបនៅក្បែរចង្ក្រានដែលមានរងើកភ្លើងទើបបង្ករជាអគ្គីភ័យឆាបឆេះឡើងតែម្តង ហើយភ្លាមៗនោះកម្លាំងជំនាញបាននាំយករថយន្តពន្លត់អគ្គីភ័យចុះជួយអន្តរាគមន៍បាញ់ទឹកពន្លត់ដោយប្រើប្រាស់អស់ទឹកចំនួន០២ឡានផងដែរ៕ដោយ÷សហការី
