ទស្សនកិច្ចទិសឦសានជើងទី៤ តម្រាយផ្លូវខេត្តរតនគិរី និងខេត្តស្ទឹងត្រែងថ្ងៃទី៥ និងទី៦ ខែតុលា, ជាដំណើរទស្សនកិច្ចរបស់បងប្អូនប្រជាពលរដ្ឋជាង ២០០នាក់ ដើម្បីស្វែងយល់ពីការពិតជាក់ស្តែងនៃកិច្ចការពារបូរណភាពទឹកដី និងអធិបតេយ្យភាពជាតិ។ ពលរដ្ឋបានអះអាងថាការបំពុលព័ត៌មានរបស់ក្រុមប្រឆាំងជុំវិញបញ្ហាព្រំដែន គ្មានប្រសិទ្ធភាពឡើយ, ពួកគាត់បានឃើញនឹងភ្នែកច្បាស់លាស់ រាជរដ្ឋាភិបាលកម្ពុជាបានការពារនូវបូរណភាពទឹកដី និងអធិបតេយ្យភាពជាតិ ហើយអ្វីដែលក្រុមជ្រុលនិយមនិយាយពីបញ្ហាព្រំដែន និងការបំភ្លៃលើការបាត់បង់ទឹកដី គឺគ្រាន់តែជាការភូតកុហកដែលគេមិនដែលជឿម្តងណាឡើយ។ ថ្ងៃទី៦ ខែតុលា បងប្អូនប្រជាពលរដ្ឋសាធារណជនជាង ២០០នាក់នេះនឹងបន្តធ្វើដំណើរទស្សនកិច្ចនៅតាមបណ្តោយព្រំដែនក្នុងខេត្តស្ទឹងត្រែង។
