អភិបាលខេត្តប៉ៃលិន ណែនាំគ្រប់ស្ថាប័នក្នុងខេត្ត ចូលរួមទូងស្គរ វាយគង និងចងទង់ជាតិ អបអរសាទរប្រាសាទកោះកេរ ត្រូវបានចុះក្នុងបញ្ជីបេតិកភណពិភពលោក
អភិបាលខេត្តប៉ៃលិន ណែនាំគ្រប់ស្ថាប័នក្នុងខេត្ត ចូលរួមទូងស្គរ វាយគង និងចងទង់ជាតិ អបអរសាទរប្រាសាទកោះកេរ ត្រូវបានចុះក្នុងបញ្ជីបេតិកភណពិភពលោក
ប៉ៃលិន៖ អភិបាលខេត្តប៉ៃលិនលោកស្រី បាន ស្រីមុំ ណែនាំដល់គ្រប់ស្ថាប័នរដ្ឋ ឯកជន រដ្ឋបាលក្រុង-ស្រុក មន្ទីរ-អង្គភាពជុំវិញរដ្ឋបាលខេត្តប៉ៃលិន រោងចក្រ សហគ្រាស ក្រុមហ៊ុន សាលារៀន មន្ទីរពេទ្យ វត្តអារាម វិហារសាសនា និងប្រជាពលរដ្ឋទាំងអស់ក្នុងខេត្ត រួមគ្នាធ្វើការវាយគង ទូងស្គរ ទះប៉ោត និងគោះត្រដោក តាមគ្រប់មធ្យោបាយដែលខ្លួនមាន នាវេលាម៉ោង ០៧៖០០ព្រឹក នៅថ្ងៃពុធ ទី២០ ខែកញ្ញា ឆ្នាំ២០២៣ នៅគ្រប់ទីកន្លែងសាធារណៈ សំខាន់ៗរួមមាន សាលាខេត្តប៉ៃលិន សាលាក្រុង-ស្រុក សាលារៀន មន្ទីរពេទ្យ គ្រប់វត្តអារាម និងសាលាបុណ្យ ព្រមទាំងគ្រប់ទីប្រជុំសហគមន៍នៅតាមភូមិឱ្យបានច្រើនកុះករ ខ្ញៀវខ្ញារ ប្រកបដោយសេចក្តីសប្បាយរីករាយ និងការសាទរចំពោះព្រឹត្តិការណ៍ជាប្រវត្តិសាស្ត្រនេះ។
រដ្ឋបាលខេត្ត បានណែនាំឱ្យគ្រប់រដ្ឋបាលក្រុង-ស្រុក ត្រូវណែនាំប្រជាពលរដ្ឋនៅតាមមូលដ្ឋានរៀងៗខ្លួន ឱ្យចងទង់ជាតិនៅគ្រប់ទីតាំង និងគ្រប់លំនៅឋាន៕
