រន្ទះបាញ់ងាប់ សត្វគោ០២ក្បាលបន្ទាប់ពីមានភ្លៀងផ្គរយ៉ាងខ្លាំងនៅស្រុកបាណន់
———————————————————(បាត់ដំបង)សត្វគោមេចំនួន០២ក្បាលត្រូវបានរន្ទះបាញ់បណ្តាលអោយស្លាប់ដេករណូករណែលនៅកណ្តាលវាលស្រែ ត្រង់ចំណុចសួង ស្ថិតក្នុងភូមិសំរោង ឃុំស្នឹង ស្រុកបាណន់ ខេត្តបាត់ដំបង ។
សមត្ថកិច្ចបានអោយដឹងថា កាលពីវេលាម៉ោង១២និង៣០នាទី ថ្ងៃទី២០ ខែមិថុនា ឆ្នាំ២០២៣ នៅតាមបណ្តាស្រុកមួយចំនួនមានភ្លៀងធ្លាក់លាយឡំជាមួយខ្យល់កន្រ្តាក់ ក្នុងនោះមានស្រុកបាណន់ផងដែរបានរងសំពាធក្រោមឥទ្ធិពលភ្លៀងនិងខ្យល់កន្ត្រាក់រួមជាមួយផ្គរន្ទះបានបាញ់បណ្តាលអោយងាប់សត្វគោមេចំនួន២ក្បាល នៅវាលស្រែចំណុចសួង ដែលមានម្ចាស់ឈ្មោះ រី ចិន្តា ភេទប្រុស អយុ៤៤ឆ្នាំ រស់នៅក្រុមទី៤ ភូមិសំរោង ឃុំស្នឹង ស្រុកបាណន់ ខេត្តបាត់ដំបង ។
សមត្ថកិច្ចបានបញ្ជាក់ថា ករណីគ្រោះធម្មជាតិរន្ទះបាញ់ខាងលើនេះដែរ មិនបណ្តាលអោយមានគ្រោះថ្នាក់ដល់មនុស្សនោះទេ គឺគ្រាន់តែងាប់សត្វគោមេចំនួន០២ក្បាលប៉ុណ្ណោះ៕ដោយ÷សហការី
