ជិះម៉ូតូខ្វះការប្រុងប្រយ័ត្ន ជ្រុលទៅបុក រ៉ឺម៉កម៉ូតូពីក្រោយបណ្តាលអោយដួលស្លាប់យ៉ាងអាណោចអាធ័ម
ជិះម៉ូតូខ្វះការប្រុងប្រយ័ត្ន ជ្រុលទៅបុក រ៉ឺម៉កម៉ូតូពីក្រោយបណ្តាលអោយដួលស្លាប់យ៉ាងអាណោចអាធ័ម
———————————————————
(បាត់ដំបង) បុរសម្នាក់បានស្លាប់ភ្លាមៗនៅក្នុងហេតុការណ៍គ្រោះថ្នាក់ចរាចរណ៍ជិះម៉ូតូទៅបុករ៉ឺម៉កម៉ូតូដែលចតចោលកាលពីវេលាម៉ោង ១៣និង៥០នាទី ថ្ងៃទី០៤ ខែមិថុនា ឆ្នាំ២០២៣ នៅត្រង់ចំណុចភូមិតាកុយ សង្កាត់ក្តុលដូនទាវក្រុងបាត់ដំបង។
ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញម៉ូតូម៉ាកហុងដាឌ្រីម ពណ៌ខ្មៅ មួយគ្រឿងពាក់ផ្លាកលេខ បាត់ដំបង 1O-3689 បើកបរដោយបុរសម្នាក់ ក្នុងល្បឿនយ៉ាងលឿន ទិសដៅពីជើងទៅត្បូង លុះមកដល់ចំណុចកើតហេតុខាងលើ ក៏បានជ្រុលទៅបុកជាមួយកន្ទុយរ៉ឺម៉កសណ្តោងម៉ូតូដែលចតចោលនៅចិញ្ចើមផ្លូវពេញទំហឹងបណ្តាលអោយដួលស្លាប់នៅក្នុងថ្លុកឈាមភ្លាមៗតែម្តង។
ក្រោយពេលកើតហេតុសមត្ថកិច្ចជំនាញបានចុះទៅវាស់វែងធ្វើកំណត់ហេតុយកមធ្យោបាយទាំងពីរទៅរក្សាទុកនៅការិយាល័យចរាចរណ៍ផ្លូវគោកខេត្តដើម្បីចាត់ការតាមនីតិវិធី ចំណែកសពត្រូវបានប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី៕ដោយ÷សហការី
